Revista ACROSS: “Të Gjithë Sytë e Perëndimit drejt TEG dhe Shqipërisë”
TEG pozicionohet si lider në fushën e retail dhe lifestyle në Shqipëri dhe në Ballkanin Perëndimor, duke vendosur një standard të ri për qendrat tregtare në rajon. Me një dizajn të sofistikuar, larmishmëri markash të njohura ndërkombëtare dhe vendase, si dhe opsione të shumta argëtimi, TEG vendos standardin duke sjellë një përvojë ekskluzive shopping, duke tërhequr vazhdimisht vizitorë nga i gjithë rajoni. Kjo ka marrë vëmendjen e revistës ndërkombëtare ACROSS, që ka publikuar një artikull dedikuar TEG, duke vënë në pah arritjet e qendrës në rang rajonal.
Artikullin mund ta gjeni në vijim:
Tirana East Gate (TEG) në Shqipëri është një model suksesi. Si pjesë e BALFIN GROUP, një zhvillues shumë i suksesshëm dhe inovativ, TEG është një qendër që meriton vëmendje për rolin e saj premtues në formësimin e trendeve të tregut në rajon. Që nga hapja e madhe më 26 nëntor 2011, Tirana East Gate (TEG) ka revolucionarizuar tregtinë me pakicë në Shqipëri, duke u pozicionuar shpejt si destinacioni kryesor për blerje dhe argëtim. E vendosur vetëm 4 km në lindje të Tiranës, kryeqytetit me rreth 600,000 banorë, TEG është bërë një simbol ikonik i tregtisë bashkëkohore, duke rritur vazhdimisht standardin e cilësisë dhe përvojës për klientët në vend.
Transformimi i Tregëtisë me Pakicë në Shqipëri
Suksesi i TEG është i dukshëm, duke arritur numrin më të lartë të vizitorëve ndonjëherë të regjistruar në një qendër tregtare në Shqipëri. Trembëdhjetë vjet pas hapjes, qendra tërheq mesatarisht 30,000 vizitorë në ditët e javës dhe më shumë se 45,000 në fundjavë, duke qenë kështu destinacioni më i vizituar i blerjeve në Shqipëri dhe një nga qendrat më të vizituara në Ballkan. Me një numër vjetor vizitorësh që arrin në 10 milionë — ekuivalent me 200 vizitorë për metër katror, TEG renditet ndër qendrat tregtare më të “ngarkuara” të Evropës, një status që zakonisht i përket gjigandëve të industrisë si Westfield.
Duke qenë një zonë tërheqëse për pothuajse një milion njerëz brenda një rrezeje prej 30-40 minutash, TEG ka vizitorë nga e gjithë Shqipëria, Kosova dhe më gjerë. Duke ofruar mbi 400 marka ndërkombëtare në 150 dyqane në një GLA prej 56,000 m², TEG i përgjigjet një game të larmishme preferencash të klientëve.
Një përshkrim i shkurtër për Shqipërinë:
Rritja ekonomike e Shqipërisë vazhdon të jetë e qëndrueshme, me një rritje prej 3.6% në tremujorin e parë të vitit 2024. Turizmi po lulëzon, me mbi 10 milionë vizitorë të regjistruar për herë të parë në vitin 2023. Rritja ekonomike udhëhiqet kryesisht nga energjia, infrastruktura dhe turizmi, me PBB për frymë që parashikohet të rritet nga $8,299.3 në vitin 2023 në $9,598.2 në vitin 2024. Ndërmjet viteve 2024 dhe 2029, PBB për frymë pritet të rritet me 41.1%. Partneriteti i Shqipërisë me BE po përparon me qëndrueshmëri ndërsa vendi punon drejt anëtarësimit, një rrugëtim që filloi me statusin e kandidatit për BE në vitin 2014.
Koncepti “Perëndimor” i Qendrave Tregtare
Si qendra tregëtare më e madhe dhe më me ndikim në Ballkanin Perëndimor, TEG është një pikë fokusi për angazhimin e komunitetit dhe një trampolinë për markat që duan të vendosin praninë e tyre në rajon. Duke mirëpritur markat ndërkombëtare si Inditex, H&M, Armani Exchange, Boss, Nike, Adidas dhe Tommy Hilfiger, TEG është plotësisht i dhënë me qira dhe i njohur si një destinacion premium.
Një faktor kyç për suksesin e TEG ka qenë aftësia për të prezantuar produkte unike në tregun shqiptar, duke krijuar një përvojë blerjeje që më parë nuk ishte e disponueshme në rajon. TEG jo vetëm që ka vendosur standarde të reja për tregtinë me pakicë në Shqipëri, por gjithashtu rezonon me aspiratat e stilit të jetesës së konsumatorëve shqiptarë, duke u përafruar shumë me përvojat e qendrave tregtare evropiane. Kjo arritje i atribuohet vizionit përparimtar të BALFIN Group, pjesë e të cili është edhe TEG.
Rreth BALFIN Group: BALFIN Group është një nga grupet kryesore të investimeve në Ballkanin Perëndimor, që kombinon standardet ndërkombëtare me ekspertizën vendase. Themeluar në vitin 1993 në Vjenë nga Samir Mane, BALFIN operon në dy kontinente dhe në 11 shtete, duke përfshirë Austrinë, Shqipërinë, Kosovën, Bosnje dhe Hercegovinën, Maqedoninë e Veriut, Malin e Zi, Zvicrën, Kroacinë, Holandën, Shtetet e Bashkuara dhe Kanadanë. Me 5,300 punonjës dhe një portofol asetesh me vlerë prej €2.4 miliardë deri në vitin 2024, BALFIN ka ridimensionuar përvojën e blerjeve në Shqipëri.
BALFIN ka krijuar një destinacion blerjeje të orientuar drejt stilit të jetesës në TEG, ku një përzierje e kujdesshme e markave ekskluzive, shërbimeve dhe dizajnit të përqendruar te klienti vendos një standard të ri. Norma e rritjes së qendrës, që i afrohet 10% në vit, thekson potencialin e tregut shqiptar. Me një PBB në rritje dhe bisedimet e vazhdueshme për anëtarësim në BE, Shqipëria paraqet një treg tejet tërheqës.
Argëtim dhe Ushqim
Përtej blerjeve, TEG ofron një gamë opsionesh argëtimi. Një kinema moderne si Cineplexx që përmban shtatë ekrane bashkëkohore dhe një sërë opsionesh që ofrojnë ushqim që shtrihen në 12 njësi dhe plotësojnë shije të ndryshme. Nga zinxhirët ndërkombëtarë si Burger King, KFC dhe Pizza Hut deri te gatimet tradicionale shqiptare, zona e ushqimit në TEG ofron një vend për të pushuar dhe për të shijuar një vakt. Popeyes dhe Firehouse janë ndër vendet më të reja në zonën e ushqimit, duke shënuar prezencën e tyre të parë në Shqipëri në TEG
Familjet dhe fëmijët mund të eksplorojnë Tao Tao Entertainment, një kënd të gjerë lojërash të brendshme që shtrihet në mbi 3,000 m². Projektuar për të argëtuar grupmosha të ndryshme me aktivitete interaktive, VR dhe lojëra, ky kënd argëtimi ofron diçka për të gjithë, duke siguruar një përvojë të paharrueshme për të gjithë vizitorët.
Ofrimi i Standardeve Ndërkombëtare
TEG përfaqëson ambicien e Shqipërisë për të integruar standardet evropiane në ekonominë e saj. Qendra promovon aktivisht qëndrueshmërinë, me projektin e parë të paneleve diellore në një qendër tregtare në Shqipëri dhe stacione për karikimin e automjeteve elektrike për të rritur komoditetin e vizitorëve dhe për të mbështetur kalimin drejt praktikave ekologjike. Këto përpjekje përputhen me vizionin e BE-së për një të ardhme të qëndrueshme, duke e ngritur më tej TEG dhe Tiranën si destinacione moderne dhe eko-miqësore që tërheqin si vendasit ashtu edhe vizitorët ndërkombëtarë.
CSR nga TEG
Si qendra më e madhe tregtare në Shqipëri, TEG është i angazhuar për ndikimin pozitiv në shoqëri përmes iniciativave të saj për Përgjegjësinë Sociale të Korporatës (CSR) në bashkëpunim të ngushtë me BALFIN Group.
Fushat kryesore të fokusit përfshijnë:
Arsimi: Modernizimi i infrastrukturës arsimore dhe fuqizimi i institucioneve akademike
Reduktimi i Varfërisë: Sigurimi i artikujve të domosdoshëm për ata në nevojë
Iniciativa Mjedisore: Reduktimi i gjurmës së karbonit dhe përmirësimi i mjedisit natyror
Shëndeti dhe Mirëqenia: Promovimi i kushteve më të mira të jetesës, veçanërisht për grupet vulnerabël
Këto projekte CSR nënvizojnë angazhimin e TEG dhe BALFIN për të kontribuar pozitivisht në shoqërinë shqiptare, duke vendosur një shembull të rritjes së përgjegjshme dhe mbështetjes së komunitetit.