Politika e Cookies

Kjo Politikë e Cookies (“Politika”) përcakton mënyrën se si Tirana East Gate (më tej referuar si “TEG”), me NIPT K82231001H (“Shoqëria”, “ne”, “ynë”), përdor cookies dhe teknologji të ngjashme në faqen e internetit, aplikacionet, komunikimet digjitale dhe programet e besnikërisë.

Politika duhet lexuar së bashku me Politikën e Privatësisë, Kushtet e Përgjithshme dhe çdo njoftim tjetër për mbrojtjen e të dhënave personale.

1. QËLLIMI I POLITIKËS

Qëllimi i kësaj Politike është të sigurojë që përdoruesit, klientët dhe vizitorët të informohen në mënyrë të qartë, transparente dhe të plotë mbi përdorimin e cookies dhe teknologjive të ngjashme nga Shoqëria. Politika shpjegon kategoritë e të dhënave që mund të përpunohen, bazën ligjore mbi të cilën mbështetet ky përpunim, mënyrën e administrimit të pëlqimit, si dhe të drejtat që u njihen subjekteve të të dhënave personale.

Kjo Politikë zbatohet për të gjitha ndërveprimet me platformat digjitale të Shoqërisë, duke përfshirë faqet e internetit, aplikacionet mobile, komunikimet e marketingut, programet e besnikërisë, si dhe çdo shërbim ose funksionalitet tjetër digjital të ofruar prej saj.

2. BAZA LIGJORE

Shoqëria përpunon të dhënat e mbledhura nëpërmjet cookies në përputhje me legjislacionin e zbatueshëm për mbrojtjen e të dhënave personale dhe komunikimet elektronike, duke përfshirë Ligjin nr. 124/2024 "Për mbrojtjen e të dhënave personale" të Republikës së Shqipërisë, Rregulloren (BE) 2016/679 ("GDPR"), kur kjo është e zbatueshme, si dhe parimet përkatëse të Direktivës ePrivacy në lidhje me ruajtjen ose aksesimin e informacionit në pajisjen e përdoruesit.

Shoqëria vepron në cilësinë e kontrolluesit të të dhënave personale për të gjitha përpunimet e realizuara nëpërmjet cookies dhe teknologjive të ngjashme, përveç rasteve kur përcaktohet shprehimisht ndryshe.

3. ÇFARË JANË COOKIES DHE KATEGORITË E PËRDORIMIT

Cookies janë skedarë të vegjël tekstualë të cilët ruhen në pajisjen e përdoruesit (si kompjuter, telefon celular, tablet ose pajisje të tjera elektronike) gjatë vizitimit të një faqeje interneti ose përdorimit të një aplikacioni. Ato mundësojnë identifikimin e pajisjes së përdoruesit, funksionimin e duhur të shërbimeve digjitale, ruajtjen e preferencave të përdoruesit, optimizimin e performancës së platformave online, analizimin e mënyrës së përdorimit të tyre, si dhe ofrimin e përmbajtjeve ose reklamave të personalizuara, kur përdoruesi ka dhënë pëlqimin përkatës.

Disa cookies janë të nevojshme për funksionimin teknik dhe bazë të faqes së internetit ose aplikacionit dhe, për këtë arsye, mund të përdoren pa kërkuar pëlqimin paraprak të përdoruesit. Në ndryshim nga këto, cookies që nuk janë të domosdoshme për funksionimin e shërbimit, përfshirë cookies analitike, marketingu dhe ato për personalizim të avancuar, aktivizohen vetëm pasi përdoruesi të ketë dhënë pëlqimin e tij të lirë, specifik, të informuar dhe të qartë.

3.1 Cookies funksionale

Faqja zyrtare www.teg.al përdor aktualisht vetëm cookies funksionale.

Cookies funksionale përdoren për të mundësuar që faqja e internetit të kujtojë zgjedhjet dhe preferencat e përdoruesit, si gjuha e përzgjedhur, rajoni, mënyra e shfaqjes së përmbajtjes, cilësimet personale ose preferencat e aksesueshmërisë. Këto cookies kontribuojnë në përmirësimin e përvojës së përdoruesit dhe ofrimin e një shërbimi më të përshtatur.

Në rastet kur cookies funksionale nuk konsiderohen rreptësisht të domosdoshme për funksionimin e shërbimit, aktivizimi i tyre bëhet vetëm pas marrjes së pëlqimit të përdoruesit, në përputhje me legjislacionin në fuqi.

Aktualisht, faqja www.teg.al nuk përdor cookies analitike, cookies të performancës, cookies të marketingut/reklamimit apo kategori të tjera cookies.

Nëse në të ardhmen do të implementohen kategori të tjera cookies, përfshirë por pa u kufizuar në cookies analitike, të performancës, të marketingut/reklamimit ose cookies rreptësisht të nevojshme që kërkojnë përditësim të informacionit të dhënë përdoruesve, kjo Politikë e Cookies do të përditësohet për të pasqyruar ndryshimet përkatëse, si dhe, kur kërkohet nga legjislacioni në fuqi, do të merret pëlqimi paraprak i përdoruesve.

4. TEKNOLOGJI TË NGJASHME

Përveç përdorimit të cookies, Shoqëria mund të përdorë edhe teknologji të tjera të ngjashme gjurmuese dhe matëse, duke përfshirë, por pa u kufizuar në, pixel tags, web beacons, SDK, identifikues pajisjeje, local storage, session storage, tracking URLs dhe mjete të tjera të analizës digjitale.

Këto teknologji mund të përdoren për qëllime të ndryshme, përfshirë garantimin e funksionalitetit dhe sigurisë së shërbimeve, analizimin e përdorimit të platformave digjitale, matjen e performancës, zhvillimin dhe përmirësimin e shërbimeve, realizimin e aktiviteteve të marketingut, si dhe parandalimin dhe zbulimin e aktiviteteve mashtruese.

Përdorimi i këtyre teknologjive kryhet në përputhje me të njëjtat parime të transparencës, kufizimit të qëllimit, minimizimit të të dhënave dhe administrimit të pëlqimit të përdoruesit, kur ky i fundit kërkohet nga legjislacioni i zbatueshëm.

5. TË DHËNAT QË MUND TË MBLIDHEN

Nëpërmjet cookies dhe teknologjive të ngjashme, Shoqëria mund të përpunojë kategori të ndryshme të të dhënave teknike dhe të përdorimit, duke përfshirë, ndër të tjera, adresën IP, identifikuesit online, informacionin mbi llojin dhe versionin e shfletuesit, llojin e pajisjes së përdorur, sistemin operativ, datën dhe orën e aksesimit, faqet e vizituara dhe vendndodhjen e përafërt të përcaktuar nëpërmjet adresës IP.

Në rastet kur këto të dhëna, në mënyrë të drejtpërdrejtë ose të tërthortë, mundësojnë identifikimin e një personi fizik, ato konsiderohen të dhëna personale dhe përpunohen në përputhje me kërkesat e Ligjit nr. 124/2024 "Për mbrojtjen e të dhënave personale" dhe, kur është e zbatueshme, me dispozitat e Rregullores (BE) 2016/679 ("GDPR").

6. BAZA LIGJORE E PËRPUNIMIT DHE ADMINISTRIMI I PËLQIMIT

Për cookies që nuk janë të domosdoshme për funksionimin bazë të shërbimeve, duke përfshirë cookies analitike, cookies funksionale jo thelbësore, cookies të marketingut, targetimit dhe ato të rrjeteve sociale, baza ligjore e përpunimit është pëlqimi i përdoruesit.

Pëlqimi i përdoruesit duhet të jetë i lirë, specifik, i informuar dhe i shprehur qartë nëpërmjet një veprimi pozitiv. Përdoruesi ka të drejtë ta tërheqë pëlqimin e dhënë në çdo kohë, pa cenuar ligjshmërinë e përpunimit të kryer mbi bazën e pëlqimit përpara tërheqjes së tij.

Kur përdoruesi akseson faqen e internetit ose aplikacionin e Shoqërisë, atij mund t’i shfaqet një njoftim, banner ose panel për administrimin e cookies, nëpërmjet të cilit mund të zgjedhë të pranojë të gjitha cookies, të refuzojë përdorimin e cookies jo të domosdoshme ose të menaxhojë preferencat e tij sipas kategorive të ndryshme të cookies.

Cookies jo të domosdoshme aktivizohen vetëm pas marrjes së pëlqimit përkatës nga përdoruesi. Shoqëria siguron që mundësia për refuzimin e cookies jo të domosdoshme të jetë po aq e aksesueshme dhe e thjeshtë sa opsioni për pranimin e tyre. Shoqëria ruan evidenca mbi pëlqimet e dhëna, ndryshimet ose tërheqjet e pëlqimit, me qëllim demonstrimin e përputhshmërisë me kërkesat ligjore dhe garantimin e transparencës ndaj përdoruesve.

Përdoruesi mund të ndryshojë në çdo kohë preferencat e tij lidhur me cookies nëpërmjet panelit të menaxhimit të cookies, cilësimeve të shfletuesit të internetit ose mjeteve të tjera të ofruara nga Shoqëria për këtë qëllim.

7. RUAJTJA E COOKIES DHE TË DHËNAVE

Cookies mund të jenë cookies sesioni, të cilat fshihen automatikisht kur mbyllet shfletuesi, ose cookies të qëndrueshme, të cilat ruhen për një periudhë të caktuar. Periudhat e ruajtjes përcaktohen në bazë të qëllimit, domosdoshmërisë teknike, kërkesave ligjore, interesave të ligjshme dhe zgjedhjeve të përdoruesit.

Shoqëria nuk ruan të dhënat e mbledhura nëpërmjet cookies më gjatë se sa është e nevojshme për qëllimet për të cilat ato janë mbledhur, përveç kur kërkohet ose lejohet ndryshe nga ligji.

8 TRANSFERIMET NDËRKOMBËTARE

Në rast se të dhënat personale të mbledhura nëpërmjet cookies ose teknologjive të ngjashme transferohen jashtë territorit të Republikës së Shqipërisë ose drejt juridiksioneve që nuk sigurojnë një nivel të përshtatshëm mbrojtjeje të të dhënave personale, Shoqëria siguron që transferimi të kryhet në përputhje me kërkesat e legjislacionit të zbatueshëm për mbrojtjen e të dhënave personale.

Për këtë qëllim, Shoqëria zbaton masa dhe garanci të përshtatshme ligjore, teknike dhe organizative, të cilat mund të përfshijnë përdorimin e klauzolave standarde kontraktore, vendimeve për përshtatshmëri, marrëveshjeve për përpunimin e të dhënave, si dhe masave shtesë të sigurisë, kur këto konsiderohen të nevojshme për të garantuar një nivel të përshtatshëm mbrojtjeje të të dhënave personale.

9. SIGURIA E TË DHËNAVE

Shoqëria zbaton masa të përshtatshme teknike dhe organizative për të garantuar mbrojtjen e të dhënave të përpunuara nëpërmjet cookies dhe teknologjive të ngjashme, duke parandaluar aksesin e paautorizuar, humbjen, ndryshimin, zbulimin ose shkatërrimin e paligjshëm të tyre.

Këto masa mund të përfshijnë, ndër të tjera, përdorimin e mekanizmave të enkriptimit, kontrolleve të aksesit, protokolleve të sigurta të komunikimit, monitorimit të sistemeve, kufizimit të autorizimeve të përdoruesve dhe vendosjes së detyrimeve të konfidencialitetit për personat e autorizuar që kanë akses në të dhëna.

Megjithatë, duke pasur parasysh natyrën e teknologjive digjitale, asnjë sistem elektronik nuk mund të garantojë një nivel absolut sigurie. Për këtë arsye, Shoqëria kryen rishikime periodike të masave të sigurisë dhe përditëson politikat, procedurat dhe praktikat e saj teknike e organizative në përputhje me nivelin e rrezikut, kërkesat ligjore dhe zhvillimet teknologjike.

10. TË DREJTAT E PËRDORUESVE

Në përputhje me legjislacionin e zbatueshëm për mbrojtjen e të dhënave personale, përdoruesit mund të ushtrojnë të drejtat e tyre si subjekte të të dhënave, përfshirë të drejtën për akses në të dhënat personale, korrigjimin e tyre, fshirjen, kufizimin e përpunimit, kundërshtimin ndaj përpunimit, portabilitetin e të dhënave, tërheqjen e pëlqimit, si dhe të drejtën për të kundërshtuar proceset e profilizimit ose përdorimin e të dhënave për qëllime reklamimi të targetuar.

Çdo kërkesë për ushtrimin e këtyre të drejtave mund të paraqitet nëpërmjet të dhënave të kontaktit të përcaktuara në këtë Politikë. Shoqëria do t’i trajtojë këto kërkesa në përputhje me afatet dhe procedurat e parashikuara nga legjislacioni në fuqi.

Përdoruesit kanë gjithashtu të drejtën të paraqesin një ankesë pranë autoritetit kompetent për mbrojtjen e të dhënave personale në Republikën e Shqipërisë, nëse vlerësojnë se të drejtat e tyre lidhur me përpunimin e të dhënave personale janë cenuar.

11. PRIVATËSIA E FËMIJVE

Shërbimet e Shoqërisë nuk janë të destinuara për fëmijë nën moshën 16 vjeç pa pëlqimin ose autorizimin e prindit apo kujdestarit ligjor, përveç rasteve kur një prag më i ulët moshe lejohet shprehimisht nga legjislacioni shqiptar i zbatueshëm. Shoqëria nuk mbledh me vetëdije të dhëna personale të fëmijëve në mënyrë të paligjshme.

Nëse vihemi në dijeni se janë mbledhur të dhëna personale që lidhen me një fëmijë pa autorizimin e duhur, Shoqëria do të marrë masat e përshtatshme për fshirjen e këtyre të dhënave.

12. NDRYSHIME TË POLITIKËS

Shoqëria rezervon të drejtën për të përditësuar ose ndryshuar këtë Politikë herë pas here, me qëllim reflektimin e ndryshimeve në kuadrin ligjor dhe rregullator, zhvillimeve teknologjike, ndryshimeve operacionale ose praktikave të saj tregtare.

Versioni i përditësuar i Politikës do të publikohet në faqen tonë të internetit dhe/ose do t’u komunikohet përdoruesve nëpërmjet kanaleve të përshtatshme të komunikimit, sipas rastit.

Vijimi i përdorimit të faqeve të internetit, aplikacioneve ose shërbimeve tona pas publikimit të versionit të përditësuar do të konsiderohet si marrje dijeni mbi ndryshimet e bëra në këtë Politikë. Megjithatë, në rastet kur ndryshimet lidhen me përdorimin e cookies jo të domosdoshme ose ndryshojnë qëllimet e përpunimit të të dhënave personale, Shoqëria do të kërkojë pëlqimin e ri të përdoruesit, kur kjo kërkohet nga legjislacioni i zbatueshëm.

13. INFORMACION KONTAKTI

Për pyetje, kërkesa ose ankesa lidhur me këtë Politikë, përdorimin e cookies ose ushtrimin e të drejtave për mbrojtjen e të dhënave personale, mund të kontaktoni:

Tirana East Gate SHPK

NIPT: K82231001H

Email: e.minga@teg.al 

Faqe interneti: www.teg.al