TEG Talent rikthehet: skena hapet për brezin e ri të talenteve

Pas suksesit të edicionit të parë, TEG fton fëmijët 5-14 vjeç të shfaqin talentin e tyre në këngë, kërcim, aktrim, instrumente dhe akrobaci.

Pas jehonës së gjerë të edicionit të parë, TEG Talent rikthehet edhe këtë vit, me synimin për të zbuluar dhe promovuar brezin e ri të talenteve. Aplikimet janë të hapura për fëmijët 5-14 vjeç, ndërsa audicioni i parë do të zhvillohet më 28 gusht 2026, ora 10:00, në Tirana East Gate.

Ajo që nisi vitin e kaluar si një nismë e re u shndërrua shpejt në një platformë të gjallë të shprehjes artistike. Fëmijë nga Tirana dhe qytete të tjera të Shqipërisë u ngjitën në skenën e TEG për të ndarë pasionin e tyre me publikun, ndërsa përmbajtjet e edicionit të parë regjistruan mbi 23 milionë shikime online dhe më shumë se 125 mijë ndërveprime. Këto rezultate e kthyen TEG Talent në një eksperiencë që shkoi përtej konkursit, duke krijuar një lidhje të veçantë mes pjesëmarrësve, familjeve dhe publikut.

Edicioni i ri mirëpret talente në këngë, kërcim, aktrim, interpretim instrumental dhe akrobaci. Gjatë audicioneve, pjesëmarrësit do të kenë mundësinë të performojnë përpara një audience të gjerë, të fitojnë vetëbesim dhe të zhvillojnë më tej aftësitë e tyre. Rrugëtimi do të kulmojë me Finalen e Madhe, ku finalistët do të konkurrojnë për çmime dhe vlerësime të veçanta.

Performancat do të vlerësohen nga një juri profesioniste, pjesë e së cilës janë Kejsi Tola, Graciano Tagani dhe Fjodora Fjora. Eksperienca do të mbështetet gjithashtu nga dyqanet dhe markat partnere të TEG, të cilat përmes çmimeve dhe dhuratave do ta bëjnë këtë edicion edhe më të veçantë për pjesëmarrësit.

Përmes TEG Talent, Tirana East Gate vijon të forcojë rolin e tij si një destinacion që shkon përtej blerjeve: një hapësirë ku argëtimi, komuniteti dhe eksperiencat e paharrueshme bëhen bashkë. Në zemër të nismës mbetet filozofia "Be Happy" e TEG - krijimi i momenteve që bashkojnë njerëzit, nxisin pjesëmarrjen dhe lënë kujtime të veçanta për fëmijët dhe familjet e tyre.

Skena është gati. Dritat janë ndezur. Shkëlqe përsëri, në shkollë dhe në skenë.